<<    <     Papitu Titah sane Patut Kalaksanayang     6     >    >> 
Titah 6: Maturan ring Sang Hyang Pengardi
(Markus 12:41-44)
Anak Janda Tiwas sane Maturan Akeh
Risedek rahina anu Hyang Yesus sedek ngajahin anake akeh ring genah agung mabakti kapining Sang Hyang Pengardia.
6
41 Ritatkala malinggih marep kropak ngaturang jinah kapining Sang Hyang Pengardi,
Hyang Yesus nyingakin anake akeh nyemplungin jinah ka tengah kropake punika.
Para anake sugih nyemplungin jinahnyane sane akeh.
42 Raris rauh anak janda tiwas sane nyemplungin kalih jinah logam.
43 Irika raris Hyang Yesus ngorahin para sisian Idane mangda mapunduh,
tur Ida ngandika sekadi puniki,
“Padingehang ja Tiang!
Jandane ane tiwas ento ngaturang liunan tekening anake lenan ane ada dini.
44 Krana makejang anake sugih ento ngaturang uling pagelahanne ane maliah.
Nanging jandane ane tiwas ento ngaturang makejang ane gelahanga,
ane anggona bea idup.”
Penuntun mabligbagan ring pasamuan:
1. Ngaturang penyuksma.
“Ngiring ja iraga ngaturang suksma mangkin. Semeton jagi ngaturang suksma indik napi?”
2. Ceritayang ja pakeweh semetone suang-suang raris iraga saling tunas icayang.
“Napike semeton wenten pakeweh mangkin?”
3. Ngwacen utawi mirengin paplajahane puniki.
4. Saurin ja pitakenne puniki:
“Napi sane plajahin iraga indik Sang Hyang Tunggal ring ceritane puniki?”
“Napi sane plajahin iraga indik manusa saking ceritane puniki?”
“Sekadi napike sapatutne iraga nyalanang idup manut pengajahane puniki?”
“Kapining sirake sapatutne iraga nyeritayang malih ceritane puniki?”